Facebook

Download our Free App

Sumfest banner

Subscribe now

captcha 

KARTEL ALBUM HITS ITUNES/JAHVINCI TO SHOOT VIDEO Featured

Entertainment News Written by  ABENA Tuesday, 21 June 2011 00:36 font size decrease font size increase font size 0
Rate this item
(0 votes)
Wah happen to dem artiste ya wid dem international tongue? Dem ah fret over visa because dem caan get fi go foreign go frolick hard, so dem forced fi stay a Jamaica fi do dem tings and the gal dem a talk bout dem. We hear everything bout the dutty life weh oonu a live. Mi hear EVERYTHING, but mi just caan write it, but is alrite, one day, like weh Seanizzle say, oonu ah go get sort out.

Image

JAHVINCI TO SHOOT 'IN MY LIFE' VIDEO

Big up Jahvinci, mi love how yu a focus pon positive songs and nah get caught up inna the hype, and ah try diss the Teacha or nothing. Just gwaan do yu ting. Mi hear say yu a shoot video tomorrow for In My Life and the video ah go sick. Janelle Dyer ah go do it and you ah use one ah dem big JUTC luxury tour bus de, and it ah go act wah yu say did a gwaan pon the Gaza all these years, performance and not much money.

KINGSTON STORY HITS #7 ON REGGAE ITUNES
The white yute dem who ah push Vybz Kartel new album, Kingston Story, know say dem a go mek back de money weh
dem a spend because the album hit #7 on the Top Reggae Album chart inna the US this morning. One of mi friend dem
call mi yesterday and say three tune fi Vybz Kartel squeeze off during the rush hour traffic time pon HOT 97 yesterday.
And plus him get article inna Rolling Stones and New York Times. The album de #3 in Germany, and France, and #5 in England.
But mi a wonder how him ah the baddest ting outta Jamaica and him no have no high-power combinations pon him album. How him ah
go get consistent play pon urban radio if him no have a better game plan.

Image
ImageBOUNTY KILLER ENDORSES DOLLA COIN
Mi did a wonder bout the connection between Bounty Killer and Dolla Koin, and mi realize say Bounty nuh
really know him from noweh, him just see the talent and ah give him an endorsement. The Killer show up at
Club Aphrodisiac and nuff people show up, the club feel good, and Killer perform and call on Dolla Koin and him
do him 'Tights and Heels' song, it did nice. But how Dolla Koin so hype? Him ah walk wid three security behind him
the whole night like him a VIP.

Image

SAVAGE NEW MAMA SONG AH SHOT
Big up Q45, the new Savage song ah shot, and mi love the Vegas but the streets ah say Savage ah lead by a country mile.
Him ah the only artiste weh sound like himself inna the business, him ah go be the artiste fi watch inna the future.

 


PEOPLE WAAN KNOW...
How dem so hype and dem road manager dress better than dem? Mi nuh waan no strange face roun mi...

Image

Why people ah hate pon Bridgez so much? One of mi girlfriend dem from Cassava Piece say pon the video before the one she shoot the other day, she up de a gwaan hype bout how much she waan look like Rihanna and these things but when yu meet her, she seem cool, so mi nuh know wah fi tink.

Big up Mighty Crown weh spend the most money inna the business, but how dem ah go survive inna the new global marketplace? See Irish and Chin dem a do roots play ah US fi mek money.


If the Jamaican people dem really dun wid Munga. It nuh look goood, cause even though him a chat some bad lyrics, the people dem just naa work wid wah him a say. Ah good artiste still, but him violate Don and look weh him de today.

Image

How some artiste get the green light fi carry the music far and drop the baton? People still ah ask mi how
Bad Boy Records do album with Elephant Man, and Ele have Mya, Shaggy, Rihanna, Chris Brown and still only
sell 2000 copies inna the first week. How that?

Wah happen to British singer Amy Winehouse, dem boo her at an open-air concert as she appeared to be
too drunk to sing at the performance that officially kicked off a two-week European tour.


How America get so ungodly? The other day, NBC omitted the 'under God' in the Pledge of Allegiance The tweets dem start immediately pon Twitter ah ask fi boycott but NBC apologise but dem know wah dem a do.

Read 2193 times Last modified on Tuesday, 21 June 2011 01:20

Leave a comment

Make sure you enter all the required information, indicated by an asterisk (*). HTML code is not allowed.

Search

Old Dancehall News

Latest Comments