The streets dem no talk how Kartel diss ZJ Liquid last week say him a wanna-be artiste and how much him ah copy Kartel 'Oh' like a fi him own and a bagga tings. Mi see the message dem pon mi bb from last week Friday but mi neva pay it no mind because it coulda be a fake bb wid people ah try style the deejay, but now mi hear say DJ Wayne vex over the whole ting and him play the other night and never play not even one Kartel and the streets ah buzz over wah a gwaan? ZJ Liquid and DJ Wizzle close from long time, from Montego Bay days and all these things, so it look like him cut over what dem say Kartel do, but mi a gwaan watch it still.

MAVADO LOCKS DOWN CORUBA
One of mi friend dem come from England and ah gully she say, so she invite me fi go watch Mavado over Coruba last night and even though ah Beenie and Gaza mi say, mi never regret it. The show nice, the crowd never big like the week before, but the vibes did well nice. Mavado come inna full diamonds, the man look rich, and the gal dem a grab offa him like dem hungry and him is a chicken bone, dem almost tear off him jacket offa him, till eventually him affi gi a girl fi hold it. The man perform good, about 90 minutes up de and ah hit after hit after hit, mi love how him handle himself. Mavado, we love how yu a represent fi the gully, the ting look good.

---

Share this story with your friends on any social media website