Subscribe now



Archive Written by  Thursday, 05 March 2009 03:18 font size decrease font size increase font size 0
Rate this item
(0 votes)
Portmore, Spanish Town, New York, Miami...mi flying out. Wah happen to some dutty skirmage roun ere who smell like 10 day cabbage water? Mi read some comments weh some dutty people mek say one876 bruk and all these things and mi waan yu fi know, mi bosses dem caan bruk, dem ting sort out, dem ting international, dem a spend Swiss Francs, Euro and English pound, wah happen to some ah dem dutty gal who need WD40 fi dem hole, and dem crawny skin need compound. ONE876 TO THE WORLD!!! And mi nah stop say it, Ms. Kitty yu large, Sparks mi see yu pon mi RE TV ah talk the tings dem pon After Dark, big up the media alliance, big up Stone Age Productions, the Empire the whole entire, and Khool and the whole entourage. Ron Muschette, yu a lock it inna the morning, yu a sickest ting. Big up all the original one876ers, I have been reliably informed that the site ah go back up soon.
Mi did know say it ah go happen sooner or later. It come in like Macka and Queen Paula stop spar again. Mi know say Spice and Lady Saw ah go laugh off dem head when dem hear dis ya one. It come in like Macka meet a nice young singer guy name G Star from Burkes Road inna Old Harbour and him have her head weak because him money tall and him ah strengthen her ting so till she decide fi form a new crew name First Capital Crew wid G Star. From wah day, ah she and dem a spar straight, dem all go the Portland Curry Festival together, but mi hear certain members of the Galliance vex, especially Queen Paula and the friction ah build.

Wah dis mi a hear say Area Code 876 split inna two? Geldon, Fireblacks and Dujon inna one camp and Too Sweet and Kevin inna one next camp. How dem split up already and dem nuh reach nowhere yet? Mi hear say a pure disrespect ah gwaan inna the camp and it nuh look right. Who have the right fi use the Area Code 876 name now? What a passa passa!! How dem a go sort out this one.

Vegas, what a way yu a pressure de place wid dem whole heap a gospel songs ya. Mi love the I Am Blessed one though and the other one, Up Deh, sound good too but is like a gospel craze inna Jamaica, D'Angel ah do gospel song wid Prodigal Son, Vegas have two, Aisha do one, and mi hear say Macka Diamond say she ah go do one too. It come in like the artiste dem tired fi live dutty life and decide say dem a go mek demself right with God or something. We love see that, wave off the crosses. Abena has spoken

Mi happy fi see Mavado pon BET earlier inna the week because dem did a fight fi get him on BET and dem never sort out the video. First, mi nuh like the cheap yellow lamborghini graphics, it just look 1980s and cheap and then the last part of the video, the vocals dem never line up properly and the edit never all that either. How much money dem really pay fi that video? Ras Kassa, right now, mi a wonder if yu a lose it or what.
Read 4192 times Last modified on Thursday, 05 March 2009 03:22

Leave a comment

Make sure you enter all the required information, indicated by an asterisk (*). HTML code is not allowed.

Download our Free App

Latest Comments